Soo koobid
- Qorshaha Gaadiidka Seattle (STP) waa sida ay nooga go’an tahay in aan dhisno nidaam gaadiid oo siinaya qof walba helitaan hufan iyo doorashooyin la awoodi karo si uu u gaaro goobo badan iyo fursado. Waxaan u baahanahay caawimadaada si aan u abuurno qorshahan.
- Si wada jir ah, waxaan dib u habaynaynaa sida aan ugu dhex socono magaalada oo aan ugu raaxaysaneyno jidadkeena iyo goobaha dadweynaha.
- Waxaanu dhegaysanay wixii aad nala wadaagtay intii aynu ku guda jirnay wajigii koowaad ee hawlgelinta oo aynu bilownay qorshaynta. Noo sheeg haddii aan ku socono wadadii saxda ahayd oo la wadaag fikradaada ku saabsan Habka kaqaybgalka khadka tooska ah.
- Waxa aynu soo kordhinay habab badan oo aad nagu caawinayso in aad nala abuurto STP:
- Dib u eeg himiladeena, yoolkeena, iyo ujeedooyinkayaga
- La wadaag qaabka mustaqbalka gaadiidka ee aad rabto inaad aragto
- Noo sheeg falalka aad jeceshahay iyo sida ay uga mid noqon karaan nidaamka gaadiidkayaga
- Xafiiska Qorshaynta Bulshada iyo Horumarinta (OPCD) ayaa sidoo kale ku waydiisanaya caawimadaada si loo abuuro Cusboonaysiinta Qorshaha Guud ee Seattle – One Seattle Plan. Booqo OPCD’s One Seattle Plan Engagement Hub si aad wax badan uga ogaato oo ula wadaagto fikradaada si aad u hagto mustaqbalka sawirka weyn ee Seattle.
Waxaan dhisi doonaa nidaam gaadiid oo si wanaagsan qof walba ugu shaqeeya hadda iyo mustaqbalka.
Qorshaha Gaadiidka Seattle (STP) wuxuu muujinayaa sida ay nooga go’an tahay dhisidda nidaam gaadiid oo badbaado leh, hufan, oo la awoodi karo. STP waa fursad aan ku qiyaasi karno sida aan rabno inaan mustaqbalka ugu dhex socono magaalada.
Waad ku mahadsan tahay inaad nala wadaagtay fikradahaaga ilaa hadda. Waanu ku maqalnay waxanan bilownay qorshaynta.
Waxaad la wadaagtay fikradahaaga khariidadayada isdhexgalka ee wejiga 1aad. Hadda waxaad naga caawin kartaa inaan kuwan u beddelno ficillo.
| Wajiga 1aad, waxaad noo sheegtay… | Markaa, waxaynu… | Hadda, wajiga 2aad, waxaan ku weydiineynaa inaad… |
| Ahmiyaddaada gaadiidka | Waxay horumarisay aragtida, yoolalka, iyo ujeedooyinka STP | Noo sheeg waxa aad ka qabto aragtida, yoolalka, iyo ujeedooyinka |
| Aragtidaada mustaqbalka gaadiidka ee Seattle | Sharaxaad ka bixiyay saddexda mustaqbal ee suurtogalka ah ee gaadiidka Seattle | Noo sheeg mustaqbalka aad rabto inaad aragto |
| Sida habka gaadiidkeena uu qof walba si fiican ugu shaqayn kara | Tallaabooyinka la sameeyay ee aan qaadi karno si aan gacan uga geysanno gaarista yoolalkayaga | Noo sheeg ficilada aad jeceshahay iyo sida aad rabto in aan horay u socono |
Waanu ku dhagaysanaynaa.
BooqoQorshaha Gaadiidka ee Seattle Hubka Hawlgelinta Khadka tooska ah si aad uga qaybgasho oo ula wadaagto fikradahaaga.
Waxaan u isticmaali doonaa jawaabahaaga su’aalahan si aan u ogeysiino horumarinta Qorshaha Gaadiidka Seattle. Markaad ka qayb qaadato abuurista STP, waxaad naga caawin doontaa inaan dhisno nidaam gaadiid oo qof walba si fiican ugu shaqeeya!
Xafiiska Qorshaynta Bulshada iyo Horumarinta (OPCD) ayaa sidoo kale ku weydiinaya fikradaada ku saabsan Cusbooneysiinta Qorshaha Guud ee – One Seattle Plan
The One Seattle Plan wuxuu sahamin doonaa fikrado cusub oo ku saabsan sida Seattle ay u noqon karto mid loo siman yahay, la awoodi karo, oo u adkaysata cimilada. Qaar ka mid ah fikradaha OPCD ay eegayso waxaa ka mid ah:
- Abuuritaanka xarumo magaalo ama tuulooyin cusub -goobo leh dukaamo iyo guryo badan oo loogu talagalay dad badan ama qoys (sida aqalada ama guryaha magaalada) meelahaas oo ah agagaarka saldhigyada tareenka fudud ee mustaqbalka
- Taageerida xaafado dhammaystiran oo magaalada oo dhan ah taasoo siin doonta deganeyaal badan meelo dukaameysi, adeegyo, iyo gadiid inta u dhaxaysa masaafo-socod
- Xeeladaha taageera ee u oggolaanaya kala duwanaanshaha kala duwan ee guryaha ee xaafado badan waxay kordhisaa helitaanka jardiinooyinka iyo dugsiyada sidoo kale guryo la awoodi karo oo cabbir qoys ah iyo fursado lahaanshaha guri
- Soo saarista qalab cusub oo lagu taageerayo bulshooyinka wajahaya cadaadiska barokaca iyo in la hubiyo in helitaanka guryaha iyo shaqooyinka ay yihiin kuwo isir ahaan iyo dhaqaale ahaanba loo dhan yahay
- Booqo OPCD’s One Seattle Plan Engagement Hub si aad wax badan uga ogaato oo ula wadaagto fikradaada si aad u hagto mustaqbalka sawirka weyn ee Seattle.
Wax badan ka baro STP oo ku wadaag fikradahaaga luqadda aad doorbidayso:
- Isdiiwaangeli siddaad u hesho wixii ku soo kordha Qorshaha Gaadiidka Seattle
- Booqo wabsaydkeena luqadaha badan
- Ka wac khadka taleefanka ee luqadaha badan: (206) 257-2114
- Noogu soo dir iimayl ku qoran luqadda aad doorbidayso STP@seattle.gov