Qorshaha Gaadiidka Seattle | Qorshaha Gaadiidka Seattle ee Duqa Magaalada Bruce Harrell ayaa loo gudbiyay Golaha magaalada si ay u ansixiyaan 

Soo koobid 

• Waxaan dhamaystirnay Qorshaha Gaadiidka Seattle (STP) ka dib laba sano oo ka-qaybgal dadweyne waxaanan la wadaagnay Golaha Magaalada maanta! Waxaad si degdeg ah wax uga baran kartaa qorshaha halkan oo waxaad arki kartaa qorshaha oo dhan halkan. 
• Dayrtii 2023, waxaanu waydiisanay ra’yi-celinta dadweynaha ee ku saabsan qabyo-qoraalka STP. Waanu qaadanay jawaab celintan waxaanan ku samaynay isbedello muhiim ah si aan uga tarjumno qorshaha.  
• Golaha Magaaladu waxa ay hadda tixgelin doonaan qorshaha lagu taliyey ee Duqa Magaalada Harrell si loo ansixiyo. 
• Marka la ansaxiyo, Qorshaha Gaadiidka Seattle wuxuu noqon doonaa hiigsiga Seattle ee mustaqbalka gaadiidka magaalada. 
• Muhiimad ahaan, waxaan sidoo kale uga mahadcelineynaa shuraakadayada ururada bulshada ku saleysan hoggaankooda iyo iskaashigooda xagga horumarinta Qorshaha Gaadiidka Seattle.   
• Si aad u sii wadato xogta ku saabsan Qorshaha Gaadiidka Seattle, fadlan iska diiwaan geli wixii ku soo kordha iimaylka adiga oo gujinaya halkan oo calaamee sanduuqa cinwaankiisu yahay “Wargeysyada SDOT.” 

Laba sano oo ka qaybqaadasho dadweyne ka dib, waxaanu samaynay Qorshaha Gaadiidka Seattle ee lagu taliyay waxaana la wadaagnay Golaha Magaalada maanta. 

Qorshaha Gaadiidka Seattle waa aragti 20-sano ah ee mustaqbalka waddooyinka Seattle, Jidka cagta, iyo meelaha dadweynaha oo ay ogeysiiyeen kumannaan qof oo ku nool, ka shaqeeya, kuna ciyaara Seattle. Qorshaha Gaadiidka Seattle wuxuu dejiyaa aragti, yoolal, dhaqdhaqaaqyo muhiim ah, iyo talooyin ku saabsan nidaamka gaadiidka u shaqeeya magaaladayada hadda iyo mustaqbalka. Qorshuhu wuxuu ku wargelin doonaa oo gacan ka geysan doonaa qaabaynta wax kasta laga bilaabo maalgelinta gaadiidka mustaqbalka ilaa mashaariicda iyo barnaamijyada kor u qaada habka aan ugu raaxaysanayno goobaha dadweynaha iyo ku dhex-socodka magaalada. 

Qorshaha Gaadiidka Seattle wuxuu diiradda saarayaa lix hadaf oo muhim u ah Seattle: 

• Badbaadada 
• Sinnaanta 
• Is-wadi-karnimada 
• Dhaqdhaqaaqa iyo Muhiimadda Dhaqaale 
• Lagu-noolaan-karo 
• Dayactirka iyo Casriyeynta 

Dayrtii 2023, waxaanu waydiisanay ra’yi-celinta dadweynaha ee ku saabsanaa Qorshaha Gaadiidka Seattle ee qabyo-qoraalka ahaa.  

Tan waxaa ka mid ahaa ka-qaybgalka khadka tooska ah ee magaalada oo dhan, ka qaybgalka dhacdooyinka shaqsi ahaanta ah, iyo la shaqaynta Waaxda Xaafadaha ee Xidhiidhka Bulshada si ay u qabato wacyigelin diiradda leh ee bulshooyinka soo socda: BIPOC (Madaw, Dadka wadanka ee asalkii hore, iyo Dadka kale ee Midabka leh), dakhligoodu hooseeyo, soogalootiga iyo qaxootiga, waayeelka, haweenka, dadka ay haysato hooy la’aan ama guri la’aan, iyo dadka naafada ah.  

Nidaamyo badan oo dowladeed ayaa ka dhaca miis – hadday tahay qof ahaan ama khadka onlayn ka. Sameynta STP way ka duwan tahay sababtoo ah shaqaalaheenna waxay go’aansadeen inay miiska keenaan dadka aan ogeyn inay jirto fursad ay kaga qaybqaataan. Annaga oo adeegsanayna habab cusub oo ka soo baxay Qaabdhismeedka Sinaanta Gaadiidka, waxaan goobo iyo luqado badan oo kala duwan ku shiraynay oo isku keenay dadka deegaanka, xubnaha bulshada, iyo ganacsiyada kuwaas oo aan horay ugu lug lahayn habkan. Waxaa nalagu sharfay inaan la kulano xubnaha bulshada ee aqoonsiyada bulshada, luuqadaha, iyo khibradaha dhaqameed. Waxaan shirar kooxeed la qabanay bulshooyinka wadanka asaliga u ahaa iyo kuwa soogalootiga ah ee magaaladeena, anagoo maqalnay mowduucyo ay ka mid yihiin ixtiraamka nidaamka deegaanka ee magaalada, hagaajinta badbaadada socotada aadka u nugul, iyo hagaajinta go’aamadii qorshaynta gaadiidka ee hore ee kala fogeeyay bulshooyinka halkii ay dadka isu keeni lahaayeen. – Agaasimaha SDOT Greg Spotts 

Waxaan u mahadcelineynaa dadka naga caawiyay qaabeynta qorshaha, kuwaas oo na siinayay in ka badan 1,300 faallooyin oo ku saabsan qorshaha, iyo in ka badan 1,000 faallooyin ah oo ku saabsan mashaariicda iyo barnaamijyada. 

Waa kuwan qaar ka mid ah wixii aan maqalnay:  

• STP waa in uu ahaado mid dhiiran oo fudud in lagu dhaqmo. 
• Nabadgelyadu waa inay noqotaa diiraddayada ugu weyn iyo wax aan mudnaanta siino. 
• Aynu ka shaqayno wax ka qabashada isbedelka cimilada. 
• Waxaan rabnaa inaan hubinno in jidadkeena iyo goobaha dadweynaha ay taageeraan dhaqaale maxalli ah oo adag. 
• Waxaan u baahanahay inaan tixgelinno dhammaan arrimaha iyo ganacsiga ku lug leh go’aaminta sida aan u isticmaalno waddooyinkeenna. 
• Aynu ka dhigno hirgelinta mid si cad loo qeexay si aynu horumarka u cabbirno. 
• Waxaan u baahanahay inaan ku siino fursado badan oo aad kaga qaybqaadato si codkaaga loo maqlo. 
• Waxaad jeclaan lahayd inaanu samayno isbedel degdeg ah si aan u hagaajino nidaamkayaga gaadiidka anagoo si qaab wanagsan u ilaalinayna wixii aan horay u haysanay. 

Muhiimad ahaan, waxaan sidoo kale uga mahadcelineynaa shuraakadayada ururada bulshada ku saleysan hoggaankooda iyo iskaashigooda xagga horumarinta Qorshaha Gaadiidka Seattle. 

Hoos waxaa ku qoran liiska buuxa ee la-hawlgalayaasha ururada bulshada ku salaysan shaqadaan: 

• Asian Pacific American Labor Alliance (Isbahaysiga Shaqaalaha Aasiya Baasifiga Ameerika) 
• Central Area Collaborative (Iskaashiga Aagga Dhexe) 
• Duwamish Valley Sustainability Association (DVSA)  
• Estelita’s Library 
• Bulshada Khmer ee Seattle King County oo kaashanaysa Noio Pathways iyo Kim Yu Consulting  
• Legacy of Equality Leadership and Organizing (Dhaxalka Hoggaanka Sinnaanta iyo Abaabulka)  
• Smash the Box (Ku dhufo sanduuqa) 

Waxaan dhagaysanay ra’yi-celinta bulshada waxaana ku samaynay isbeddello muhiim ah Qorshaha Gaadiidka Seattle.  

Waa kuwan xeeladaha cusub ee muhiimka ah ee aan ku darnay. 

• Badbaadada: Waxaan rabnaa inaan hubinno in shabakadaha gaadiidku ay yihiin kuwo adkeysi leh oo diyaar u ah xaaladaha degdega ah. 
• Dhaqan-gelin aan ciqaab lahayn: Waxaan taageeraynaa isbeddelka sida sharciyada waddooyinka loo isticmaalo. Ma doonayno inaan diiradda saarno ciqaabta. Tani waxay gacan ka geysaneysaa inaan ka dhigno jidadkeena kuwa ammaan ah iyadoo bulshada ka yareyneysa dhibaatada.  

Waxaan balaadhinay yoolkayaga ku saabsan dhaqdhaqaaqa anagoo og muhiimada ay leedahay xoojinta dhaqaalaha si aan u xoojino muhiimada ay leedahay in dadka iyo badeecadaha la geeyo halka ay u baahan yihiin.  

Waxaan ballaarinay Xeeladaheena Hirgelinta si aan u bixino tafaasiil dheeraad ah oo ku saabsan sida aan u keeni doono nolosha aragtida mustaqbalka. Waxaan ku darnay ku dhawaad 30 ficil oo la taaban karo, oo loo yaqaan “fulinta falalka,” si ay gacan uga geystaan samaynta tallaabooyinka muhiimka ah. Qaybtani waxa ay sharxaysaa sida aanu u dooran doono mashaariicda iyo barnaamijyada aan ka shaqo galno. Waxaan wadaagi doonaa sida aan u habayn doono hawlaha ku salaysan agabyada la heli karo oo aan aqoonsanno sida aan u bixin karno shaqada. Ugu dambayntii, waxaanu dulmaraynaa sida aanu mustaqbalka u gaadhi doono go’aamo muhiim ah. 

Marka xigta, Golaha Magaaladu wuxuu tixgelin doonaa ansixinta qorshaha. 

Waxaan rajeyneynaa inaad si joogta ah u arki doonto codkaaga iyo deriskaaga oo ka muuqda qorshahan. 

Waxaad la xiriiri kartaa Golaha Magaalada oo codkaaga waad muujin kartaa si loo maqlo ra’yigaaga ku saabsan Qorshaha Gaadiidka Seattle adiga oo soo diraya faallooyin qoraal ah ama ka qaybqaadanaya xilliyada faallooyinka dadweynaha inta lagu jiro shirarka Golaha Magaalada ee soo socda ee Maarso 5. Waxaad sidoo kale iimayl si toos ah ugu diri kartaa Golaha Magaalada. Waxaad wax ka ogaan kartaa boggaansidii aad ugu biiri lahayd shirarkan marka ajandaha la diyaariyo March 1. 

Marka la ansaxiyo, Qorshaha Gaadiidka Seattle wuxuu noqon doonaa hiigsiga Seattle ee mustaqbalka gaadiidka magaalada. 

Hirgelinta Qorshaha Gaadiidka Seattle waxa loo soo jeediyay in la abuuro lana cusboonaysiiyo 4-tii sanaba mar, taas oo noo ogolaan doonta in aanu samayno wax ka bedel si aanu ula qabsano xaaladaha maaliyadeed ee isbedelaya, mudnaanta bulshada, iyo arrimaha soo ifbaxaya. Qorshaha Hirgelinta ee Qorshaha Gaadiidka Seattle wuxuu noqon doonaa mid dhamaystiran waxaana loogu talagalay in lagu beddelo qorshooyinka dadka lugeynaya, baaskiilka wado, gaadiidka, iyo hirgelinta xamuulka ee hadda ka hor. 

Waxaan sidoo kale ka shaqeyneynaa qorshe maalgelinta gaadiidka si aan ula qabsanno isbeddellada maalgelinta. Maalgelinta ayaa go’aamin doonta sida ugu dhakhsaha badan ee aan uga dhigi karno qorshuhu inuu dhaco 20-ka sano ee soo socota. Levy to Move Seattle (Canshuurta Dhaqaajinaysa Seattle), ayaa bixisa ilaa 30% shaqadeena, waxay dhamaanaysaa dhawaan. Cusboonaysiinta Canshurta waxay noqon doontaa tillaabadayada ugu horreysa ee hubinta in maalgelinta la heli karo si aan u sii wadno hagaajinta iyo ilaalinta nidaamka gaadiidka Seattle. La soco wax badan oo arrintaan ku saabsan bilaha soo socda!